Paimana

مینه: لنډه کیسه

20.08.2010 16:11

مینه

یوه ښځه او د هغې زلمې خاوند په موټر سایکل سپاره وه او د نیمې شپې په تیاره غېږه کې په یوه پراخ سړک باندې په داسې حال کې روان ول چې د باران څاڅکي هم ورېده. هغوي د زړه له تله له یوبل سره مینه کوله. مېرمنې يې د خپل خاوند غوږ ته خوله نږدې کړه او ورته يې وویل:

- کرار لاړ شه! زه ډېره زیاته ډارېږم.

- نه نه! همداسې ښه ده.

- هېله کوم. زه ډېره زیاته ډارېږمه.

- ښه، مګر اول باید ووايئ چې لماسره مینه کوې!

- هوهو، مینه درسره کومه. ډېره زیاته مینه درسره کوم. اوس کیږي چې لږ کرار لاړ شئ؟

- سمه ده، په دې شرط چې زما زرې خولۍ زما له سره واخلې او په خپل سر يې کښېږدې! زړه يې راته تنګ کړېدی. نشم کولای چې کراره لاړ شم.

سهار وختي ورځپاڼو لیکلي وو:" په هغه ټکر کې چې یو موټر سایکل له یوې ودانې سره کړېوه، یو ځوان وژل شوی او د هغه مېرمنه ټپي شوې ده. ویل کیږي چې دغه پېښه د موټر سایکل د بریک د مزي د شلیدلو له امله رامنځ ته شوې ده. ټرافیک وايي مخکې لدېنه چې موټر سایکل ټکر وکړي، د موټر سایکل چلوونکی زلمی کوښښ کړی دی چې د خپل زرې خولی په ور اغوستلو سره د خپلې مېرمنې ژوند وژغوري.

ژباړن: شیرین اغا جهانګیر

۲۹ اسد ۱۳۸۹

۲۰ اګست ۲۰۱۰

د صفا راډیو اداره، جلال آباد

 

ارسلا رحماني 23.08.2010 06:02

yes

hashit 21.08.2010 03:01

ok

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.