Paimana

ړندې آینې: شیرین اغا جهانګیر

30.03.2010 18:13

ړندې آینې

زمانه ټوله ړنده ده، د دنیا سترګې ړندې شوې

آینې دي ړندې سوي، که زما سترګې ړندې شوې

 

له رقیب سره ملګری، لاس په لاس اوړي را اوړي

زه هم نشت یمه منم خو، د آشنا سترګې ړندې شوې

 

بیا چینار ځوانیمرګ شوی، بیا ګودر په وینو سور دی

بیا سالو ده د چا سوې، بیا د چا سترګې ړندې شوې

 

شپه به خدایګو چې تمام شي، د ازغنو تیارو لارو

تیندکونه خورم غورځیږم، د سبا سترګې ړندې شوې

 

شیرین اغا جهانګیر

رباط سنګي هرات

۳۰-۰۳-۲۰۱۰

 

 

زږګۍ 02.04.2010 06:33

ډیر با معنا شعر دې. ده نورو خونده ورو اشعارو په حېله.

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.