Paimana

روزلین روشبروک څنګه مسلمانه شوه؟

23.01.2010 19:08

 

 

 

روزلین روشبروک څنګه مسلمانه شوه؟

 هغه خپله  کیسه داسې کوي:

« زما نوم رقیه مقصود دی. مخکې لدېنه چې په اسلام مشرفه شمه؛ زما نوم روزلین روشبروک وو. زه د انګلستان په سوېل د کنت په ښار کې پېدا شوې یمه. اوس مهال د هل ښار د هلکانو د لېسې د اسلامې څېړنو د مرکز مدیره یمه.

د جورک کیندریک په نوم د یو شاعر سره مې واده کړېوه چې وروستو مو سره طلاق واخستو او واده مو په ناکامۍ پای ته ورسېد.

د هغه نه وروسته مسلمانه شومه او د یو مسلمان سره مې داده وکړه. زما پلار او مور د کوم دین پابند نه ول مګر کله چې زه لږه په ښو او بدو و پوهېدمه، زه يې یوې داسې مدرسې ته ولېږلم چې د کلیسا د مستقیم نظر لاندې اداره کېده ترڅو د عیسویت سره پوره اشنا شمه او له هغه سره مې نه شلېدونکي اړیکې ټینګې شي. ديني مضامین راته په ټولو مضامینو کې خوندور مضمونونه ول. په همدې خاطر د خپل ښاري پوهنتون د د ديني علومو د څانګې نه فارغه شوې یمه.

په ښوونځي کې د هلکانو سره مې هیڅ اړیکې نه درلودې مګر کله چې پوهنتون ته لاړمه نو لږه منحرفه شومه. سګرټ او شراب مې کارول او د نڅاوو په مجلسونو کې مې ګډون کاوه؛ تردې چې د یو هلک سره مې یارانه هم وه. کله چې له پوهنتون نه فارغه شومه، نو د خپل یو ټولګیوال سره مې چې جورج نومېده، واده وکړ. له واده نه مو درویشت کالونه تېر شو مګر هیڅکله مو د نېکمرغۍ احساس ندی کړی . په پایله کې په همدې بهانه چې نشو کولای یوبل درک کړو، طلاق مو سره واخست. له هغه وروستو، ددې لپاره چې وکولای شم د کور اجاره پوره کړم، د کور څو خونې مې د پوهنتون محصلینو ته چې په هغو کې مسلمان محصلین هم ول، په کرایه ورکړه. دا چې زما رشته دیني وه او هم مې په پوهنتون کې د مذاهبو درس ورکوو، نو په همدې وجه مې اسلام د یو دین په صفت پېژندو. مګر په اول وار مې اسلام په عملي بڼه له همغو محصلینو نه ولیده چې زما په کور کې اوسېدل. له هغو سره به مي د امنیت او آرامتیا احساس کاوه، ځکه چې هغوی نه غله ول او نه هم د عزت او درناوي خلاف کار له هغوی نه سرته رسيده. هر کله چې به مې له هغو سره خبرې کولې نو د اسلام په اړه به مې نوي څیزونه زده کول. کوم ارزښت چې هغوی کورني نظام، شرف، پاکۍ او د ناروا کارونو نه د لريوالي لپاره ورکاوه، زه به يې د انګلستان د خلکو دپنځوس کاله د مخه د کورني نظام او معاشرت په یاد کې اچولم . هر څومره به چې مې د اسلام سره اړیکې زیاتېدې، هغومره به مې اسلام نور هم درک کولو او نور به هم پرې باوري کېدمه . همدارنګه په دې هم پوهېدمه چې ټول هغه ارزښتونه چې عیسی علیه السلام خپلو پېروانو ته د هغه امر او ښودنه کړیده ، اسلام د هغو ملاتړ کوي. او عیسی علیه السلام د خدای له لوري یو ستر پېغمبر مني او هغه د خدای د زوی په صفت نه مني او هغه یو د اوالعزم پېغمبرانو نه بولي لکه څنګه چې حضرت محمد ص د اوالعزم پېغمبرانو نه ګڼي. هرکله چې به کلیسا ته تلمه نو یو احساس به زه د اسلام لور ته رابللم. په پایله کې مې له ځانه سره وویل چې باید د داسې یو دین پېوري وکړمه چې زما ژوند تنظیم کړي. په همدې خاطر مې مسلمان محصلین د ناستي کوټې ته راوبلل او د هغوي پروړاندې مې  د شهادت کلمه تېره کړه. یو عجیبه مګر ښکلی احساس وو، داسې احساس مې کوله چې ګوندي له ډېرو مودو روسته بېرته خپل کور ته راستنه شوې یمه. د اسلام راوړلو نه وروستو مې باید زیات څېزونه له ځانه لرې کړي وای او یا مې ورته تغیر ورکړی وای. باید چې د شرابو او د خنزیر د غوښې نه ډډه کړای وای.  په حقیقت کې مې باید خپل د سودا بکس ته بدلون ورکړای وای، هغه غوښه چې اخسته به مې باید حلاله وای، ختی چې د قوطۍ ترشا به مې د خوراکي توکو ټولو ترکیباتو او د کانسروا د غوړو ډول به مې کاته چې هسې نه د خوګ د غوړو له ډلې نه په کښې کارول شوي وي.

همدارنګه له کوره به هم د معززو جامو سره راوتم او په دې خاطر چې د خپلو پخوانیو جامو له شره خلاص شوی وای، ټول مې د اوکسفا خیریه موسسې ته ور وبخښه. زما لپاره دا ګرانه نه وه چې هغه جامې واغوندم چې ټول بدن مې وپوښوي، مګر باور وکړئ چې دا د یوې انګرېزې لپاره ډېره ګرانه ده چې خپل د سر ویښتان د خپل حجاب قرباني کړي.

مخکې له اسلام راوړلو نه به مې تل د خپل سر ویښتو ته پام وو، هر وخت چې به راته اړین ښکار شو نو آرایشګا ته به تلم  تر څو ویښتان راته جوړ کړي، تر څو له نورو نه وروسته پاتې نشم. مګر د حجاب په اغوستو سره اوس وینم چې دا کار ضرور ندی. البته باید ووایم چې په اوله کې له حجاب سره ډېره ارامه نه ومه، مګر کم کم ورسره عادت شوم، اوس داسې شوی دی چې ترې خوند اخلم. د غربي ټولنې خلاف، اسلام مېرمنو ته امنیت او ملاتړ وربخښي. مسلمانان مېرمنې نه مجبوروي چې خپل سینګار او ښکلا وښايي، یعنی تر کومه پورې يې چې درنې جامې یا سنګینې جامې په تن وي، پر هغې هیڅ ډول نیوکه نه کیږي.

له اسلام راوړلو نه وروسته مې په ځان د رقیې ښکلی نوم کیښوده. البته مجبوره نه وم چې داکار وکړم، مګر د اسلام شور دېته وهڅولم چې دا کار وکړم. د نوم تلفظ مې مور ته لږه ګرانه ده، نو ځکه راته د ناځوانې په نوم غږ کوي. هغه او زوې مې په اولو کې راته ویل چې ګوندي ما د عیسی علیه السلام په حق کې خیانت کړی دی، مګر کله یې چې د اسلام په اړه معلومات زیات شو نو زما سره یې زما اسلام راوړل ومنل.

 کله چې پاکستان ته د یو کتاب د تالیف لپاره لاړمه چې په تالیف کې یې راته ستونزې پېدا شوې وې ، له وارث سره آشنا شوم او ورسته همدغه آشنایي ددې سبب شو چې دواړه سره واده وکړو. زمونږ واده د رمضان په مبارکه میاشت کې وشوه، هغه میاشت چې د ورځې له لخوا په کې خوراک، څښاک، جماع او نور حرام دي او دغه کار د نورو په نسبت زوم او ناوې ته لږه ستونزمنه وي.

د بوزنیا په جګړه کې چې کله ډېری بوزنیایان زمونږ ښار ته راغلل، وارث به زیات بوزنیایان زمونږ کور ته راوستل. هغه ګمان کاوه چې زه په دې کار خوشحاله کېږم، مګر ماته لږ ستړی کوونکی وو، ځکه چې د کور کارونه ټول زما په غاړه ول او وارث د کور په کارونو کې هیڅ مداخله نه کوله. مګر باید په یو څه باندې اعتراف وکړم او هغه داچې مسلمانان تل د سختیو پر مهال تیار دي چې نورو سره مرسته وکړي.

هغه توپير چې د غربي ټولنې په ودونو او د اسلام په واده کې شته دادی چې کېدای شي چې په اسلام کې سل په سلو کې له واده نه خوښ نه وې، مګر باید دغه ژوند ته دوام ورکړې، مګر په غربي ټولنه کې یوه وړه ستونزه په یو داسې طوفان اوړي چې د انسان ژوند نابودوي.

 کله کله شېطان ماته وسوسه په زړه کې اچوي او زړه مې کیږي چې بازار ته لاړه شمه او شراب وڅکم، مګر سمدلاسه دغه فکر له خپل سر نه وباسم او له رټل شوي شېطان نه خپل څښتن ته پنا وړمه. اسلام زما په ژوندانه کې د بسنټیزو بدلونونو سبب شوی دی او زما ژوند ځانته یو نوی معنی او مفهوم اخستی دی او ددې ترمنځ چې زه یوه انګرېزه یمه او مسلمانه شوې یمه، کوم توپیر نشته.

داسې وړاندوینه کومه چې په راتلونکو شلو کلونو کې به په انګلستان کې د مسلمان انګریزانو شمېر د مهاجرو له شمېر سره یو شان شي. اوس داسې احساس کوم چې له اسلام راوړلو سره نه یواځې داچې وروسته نه یمه پاتې شوې، بلکه خپله پوره پوره ازادي مې لاس ته راړېده.

والسلام

ژباړن: شیرین اغا جهانګیر

۲۳-۰۱-۲۰۱۰

 

احسان لله 10.01.2011 07:34

بسم الله الرحمن الرحيم<br />داخـــــــــــــلاص فضــــــــائــــل<br />نيت خالص او يواځي د الله (ج) لپاره کول يعنئ هر عمل د الله (ج) درضا‌ء لپاره او خاص د هغه لپاره بل څوک نه شريکول<br /> عمل دځان خودني، ريا شهرت سمعت لپاره نه کول ځکه همدغه اخلاص د توحيد مطلب خلاصه اونچوړدى اوريا(ځان خودنه) شرک خفي اوګناه ده په قرآن ،سنت ،اقوالودصحابه کرامو (رض)اوعلماوء کي داخلاص زيات فضيلت، اجراو ثواب راغلى دى بلکي دټول دين بنياد اودهر عمل بنياد گرځول شوى دى او دريا( ځان خودني) ډيره بدي، سپکاوى، ګناه او حتى وړوکي شرک ګرځول شوى دى په دغه مطلب باندي ډيره لنډه ليکنه کوو دمسلمانانود پوهاوي په خاطر چي په عملونو کي اخلاص پيداشي الله (ج) دي دخپلي رضا‌ باعث اودمسلمانانودپوهاوي سبب وګرځوي (آمين )<br />دري شــــــــــــيانوته فکرلرئ .<br />(١) : معـــــــنى داخـــــــــلاص<br />(٢) : داخلاص اهميت او فضيلت په قرآن اوحديث کي <br />(٣)دريا(ځان خودنى) شهرت بدي مذمت اوګناه دقرآن اوحديث په رڼاکى <br /> (اول) : معـــــــنى داخـــــــــلاص<br />په عبادت اواطاعت کي الله (ج) خاص کول اويواځي ده لره عبادت کول چي دعبادت نه غرض اومقصد يواځى ده ته نزدى کيدل وي نه بل شى، مخلوق ته ځان نه ښودل، دمخلوق د صفت په غرض نه کول، اومحبت دصفت دمخلوق هم نه لرل يعنى دالله (ج) درضا نه بغيرئي هيڅ مطلب اومقصد نه وي <br />امام ذاالنون مصري (رح) فرمائي چي درى شيان علامى او نښى داخلاص دي<br /> (١) چي صفت اوغيبت ديوچادرته يوشان وي <br />(٢) چاته داعمالو ښودنه درنه هيره وي<br />(٣) دعمل دثواب غوښتنه په آخرت کى درسره نه وي بلکه خالص دالله (ج) درضا‌ لپاره وي <br />حذيفه (رح) فرمائي چي اخلاص دي ته وائي چي ښکاره اوپټ عمل يوشان وي په کولو کى يى فرق نه وي<br /> فضيل بن عياض (رح) فرمائي چى ديوچادوجى نه نيک عمل پري ښودل رياده اوچاته دځان خودني لپاره عمل کول شرک دى اخلاص دادى چي دواړه پکي نه وي <br />(دوهــم) : داخلاص ا هميت ا و فضيلت په قرآن ا وحديث کي<br />داول آيـــــــــت ترجمه اوژباړه:<br />انبيا‌ءاومومنانو ته صرف ددىخبري حکم شوى دى چى خالص ديوالله (ج) عبادت کوىد باطلودينونه به حق دين ته مايله وې (الــــــــــبينة آيــت ٥ ) <br />دوهم آيـــــــت ترجمه اوژباړه:<br />الله (ج) ته ستاسود(قربانى) غوښي اوويني نه رسيږي بلکي هغه ته ستاسو اخلاص رسيږي چي په تاسوکي په کوم کس کي اخلاص وي اويواځي دالله (ج)رضائى مقصد اوهدف وي دهغه نه الله (ج) راضي وي <br /> (الـــــــــــــحج آيـــــــــــــــت ٣٧)<br />ددريم آيــــــت ترجمه اوژباړه:<br />ورته اووايه ائ پيغمبره! چي ستاسوپه زړونوکي چه څه دي پټ دي اوکه ښکاره الله (ج) پرى پوهيږي<br />(ال عمــــــــــــران آيــــــت ٢٩)<br />داخلاص اهميت په احاديثو کي <br />اول حديث ترجمــــــــــه اوژباړه:<br />دعمر(رض) نه روايت دى فرمايي چي مادرسول الله صلى<br /> الله عليه وسلم نه اوريدلي دي چي فرمايل يئ يقينادعملونودارومدارپه نيت دىاوهريوکس ته به هغه رسيږي دکوم شى ئى چى نيت کړې وي نودچاهجرت چى دالله (ج) اودهغه درسول درضا لپاره وي نودهغه هجرت <br />قبول دى اودچاهـــــــــــجرت چه ددنيادحصول لپاره وي يادښځي لپاره وي چى نکاح ورسره وکړي نودهغه هجرت به<br />هماغه شي لپاره وي دکوم شي لپاره ئي چى هجرت کړى وي <br />(يعني په هرعمل کي اخلاص اونيت معتبر دى )<br />(بخاري رقم الحديث ( ١٩٧٥)(مسلم رقم (٥١٣٣) نسايئ رقم (٢٨٣٠)<br />ددوهم حديث ترجمه او ژباړه:<br />دعائشي(رض)نه روايت دي چي نبي عليه السلام فرمايي دمکي دفتحى نه پس هجرت نشته خوجهاداودجهاداوهجرت نيت پاتى دى اوکله چي اميردطرف نه درته امردجهادوشي نوجهادته اووځى<br /> (بخاري رقم (١٧٠٣)( مسلم رقم (٣٤٦٧) (نسائي ابوداود)<br />( تشريح ): په حديث کي دنيت اواخلاص بيان دى اودحديث مطلب دادى چي دمکي دفتحى نه وروسته دمکي نه هجرت نشته ځکه چي مکه اسلامي وطن وګرځيدواوهجرت خوددارالکفر(دکفردوطن ) نه کيږي<br />البته که مسلمان داسي ځاي کي وي چي هلته په خپل دين عمل نشي کولىبيا نودهغه ځاى نه هجرت اوس هم فرض دى<br />ددريم حديث ترجمه اوژباړه:<br />انس (رض) فرمايئ چي نبي عليه السلام وفرمائيل چي دچانيت ،قصد اواراده غوښتنه داخرت وي نوالله (ج) به دده زړه غني کړي اوزړه به ئى خاطرجمعه شي اودنيابه ورته ذليله سپکه راځي اودچانيت، اوقصداواراده چې ددنياوي الله (ج) به ئي فقيري اوغريبي په تندي کي وليکي اوکارونه به ئي متفرق اوخواره وي اوهغه به ورته رسيږي چي څه ئي په تقديرکي وي<br /> (تــــــــــــرمذي مسنداحمد مشکوة صفحه (٤٦٧)<br />څلورم حديث ترجمه اوژباړه:<br />ابوهريره (رض) فرمائي چي نبي عليه السلام فرمايلي چى<br /> الله (ج) ستاسو شکلونو،رنګونواومالونوته نه ګوري بلکي ستاسي زړونواوعملونوته ګوري چي عمل دچادرضاء لپاره کوى<br />پنځم حديث ترجمه اوژباړه :<br />ابوهريره (رض) فرمائي چي نبي عليه ا لسلام فرمائي چي يوانسان ښکاره لمونځ کوي ښايسته اوښکلى کوي اوچي په پټه لمونځ کوي نوهم ښکلى اوښايسته ئي کوي نوالله (ج) فرمائي چي دا زماحقيقي اوصحيح بنده دى<br /> (ابن ماجه )<br />(دريم )دريا(ځان خودني) بدي مذمت اوګناه دقرآن اوحديث په رڼاکى<br />اول آيت ترجمه اوژباړه:<br />اي مومنانو مه بربادوى صدقي اوخيراتونه خپل په زباتنه اواحسان په شان دهغه چاچى خيراتوي مالونه خپل لپاره دريااوځان خودني دخلکواوايمان نه لري په الله (ج) اوپه ورځ دقيامت<br />مثال ددي په شان ديوصفاکاڼي دۍچى په هغي باندي خاوره وي اوتيزباران ورته ورسيږي نو کاڼي خاوري نه صفاشي نوهمدغه مثال درياهم دى چي هيڅ اجراوثواب به ورته نه حاصليږي<br />(البـــــقــرة ايـــــــت)(٢٦٤)<br />دويم ايت ترجمه اوژباړه :<br />هلاکت دى، بربادي ده، کنده د جهنم ده دهغه لمونځ کوونکولپاره چه دخپلولمونځونه غافله دي هغه کسان چه ځانونه ښائي خلکوته( ريا)کوي<br /> (الماعون ايت (٦_٤)<br />داول حديث ترجمه اوژباړه:<br />ابوهريره(رض) فرمائي چي نبي عليه السلام فرمائي چه<br /> الله (ج) فرمائيلى دي چه زه بي پروايم دشريکانودبرخي اوشرکت نه چاچي يوعمل اوکړواوبل څوک ئي ماسره پکي شريک کړو نوزه هغه انسان شريک سره پريدم په يو روايت کي داسي راځي چي زه ددغه کس نه بيزاره يم دغه کس دهماغه چادۍ چالپاره ئي چى عمل کړيدى<br /><br />ددوهم حديث ترجمه اوژباړه :<br />چاچي خپل فضائل، ښه صفات خلکوته وښودل يعني رياء ئي وکړه، نوالله (ج) به ئي دقيامت په ورځ عيبونه څرکند کړي يعني په دنيااوآخرت کي به ئي وشرموي اوچاچي دريااوځان خودني لپاره عمل اوکړونوالله (ج) به درياعذاب ورکړي (مشکوة _ مسلم )<br />ددريم حديث ترجمه اوژباړه:<br />نبي عليه السلام فرمائي چى الله (ج) فرمائي چي دقيامت په ورځ به الله (ج) انسانان را جمع کړي يواوازکوونکى به اوازوکړي چاچى دالله (ج) سره څوک په نيک عمل کي شريک جوړ کړى وي نوثواب دى دالله (ج) نه نه غواړي بلکي دهماغه کس نه دى وغواړي ځکه چي الله (ج) بي پروادى دشريکانودشرکت نه<br /> (رواه احمد)<br />څلورم حديث ترجمه اوژباړه:<br />نبي عليه السلام فرمائي چى الله (ج) فرمائيلي دي چي لږه رياء هم شرک دى (ابن ماجه بيهيقي) اوديوبل حديث مضمون دى چي رياء شرک خفي (پټ شرک )ده، اوديوبل حديث مضمون دى چي رياء شـــــــــرک(اصغر)يعني وړوکى شرک دى<br />پنځم حديث ترجمه اوژباړه :<br />ابوسعيدخدري (رض) فرمائي چه يوه ورځ نبي عليه السلام راووتو،نومونږه دجَََال يادولونو نبي عليه السلام اوفرمائيل چه ددجال نه د ډيري زياتي ويري شۍ درته وښايم ؟ نومونږورته اوويل چه هو!<br />نبي عليه السلام او فرمائيل چى شرک خفي (رياء) هغه داچي يوانسان لمانځه ته ودريږي اولمونځ شروع کړي نوچه څوک ئي اوويني چي ده ته ګوري نولمونځ زيات کړي اوزياته عاجزي په کي شروع کړي<br /> ( ابن ماجــــــــه )<br />ســــــــــتاســـــــــــــــــوددعا په هـــــــــــــيله !<br /> ترتيب اوتحقيق کوونکى:<br />شيــــــــــــــــخ الـــــــــحـــــــديث حــــــــــضرت مولانا محمد ګل (وهاج )خــــــــــــادم الطـــــــــلـــــبه جامــــــعه خالد بن وليد(رض) (شــــــــــيــنوارى)<br /> اوجامعه نعمان بن ثابت(رح):<br />جــــــــــلا ل آباد<br />کتـــــــــــــــــنه اوتصــــــــــــــــــحيح !<br />مولانا حـــــــــــافــــــــــــظ احمـــــــــــــــــــــد خان (شــــــــــــــــينوارى)<br /> خطـــــــــــــــــيب مسجـــــــــــــد جامع نــــــبوي صـــــــــلۍ الله علـــيه وسلم<br />جوي هفــــــــــت شهيدانو تـــــــــــپه !<br />ايصال ثواب :<br />الحاج محمــــــــــد حـــــســين ( شــــــــــــــــيرزاد)<br />يادونــــه (١) ! هرمسلمان مومن ورور کولاى شي چي همدغـــه پرچــه چـــاپ کړي اوتقــــــــسيم ئي کړي.<br />اوځان لپاره دآخيرت ذخيره جوړه کړى (٢)مومنانواصلاحي پاڼه په آياتونواونبوي احاديثوښکلي شوي ده ساتنه ئي ستاسي ايماني وظيفه ده (په درنښت )<br />دغه پرچه داخلاص په مضمون چاپ شوه اوبله پرچه به انشاءالله (خپل پيغمبر(صلي الله عليه وسلم ) وپيژنه ؟)په مضمون چاپ کيږي <br /> نيټه : ١٩ــ ١٠ ــ ١٣٨٩<br />کمپوز: احــــــــــــــــــــــــــــــسان لله ( شـــــــــــيرزاد ) <br /><br />

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.